ޢަދާލަތު ޕާޓީން އިސްނަގައިގެން ހިންގަމުންދާ ޕާކިސްތާނަށް އެހީތެރިވުމުގެ ފަންޑު ފޮށްޓެއް ރޭ އައްޑޫ އަތޮޅުގައި ހުޅުވައިފިއެވެ. މިއީ މުޅި އަތޮޅަށް އަމާޒުކޮށްގެން ހުޅުވުނު ފޮށްޓެކެވެ. ފޮށި ހުޅުވުމުގެ އިފްތިތާޙީ ޖަލްސާ އޮތީ ރޭ އައްޑޫ އަތޮޅު ހިތަދޫ، އިސްލާމިއްޔާ ސްކޫލުގައެވެ. ފޮށި ހުޅުވާދެއްވުމަށް ވަޑައިގަތީ ޢަދާލަތު ޕާޓީގެ ޢިލްމުވެރިންގެ މަޖިލީހުގެ ރައީސް، އަދި މިނިސްޓަރ އޮފް އިސްލާމިކް އެފެއާޒް ޑރ. ޢަބްދުލްމަޖީދު ޢަބްދުލްބާރީއެވެ. ރޭގެ ފޮށި ހުޅުވި ވަގުތުގައި 15880.00 (ފަނަރަހާސް އަށްސަތޭކަ އަށްޑިހަ ރުފިޔާ) ފޮށްޓަށް [...]

ޢަދާލަތު ޕާޓީގެ ފަރާތުން އިސްނަގައިގެން ޕާކިސްތާނަށް އެހީތެރިވުމުގެ ގޮތުން ހުޅުވައިގެން އުޅޭ ފަންޑު ފޮށިތަކުގެ ތެރެއިން ޕާޓީގެ ފުއައްމުލަކު ގޮފީގެ ފަރާތުން ހުޅުވާފައިހުރި ތިން ފޮށްޓަށް 23 އޯގަސްޓާ ހަމައަށް ލިބިފައިވަނީ 47630.00 (ސަތާޅީސް ހާސް ހަސަތޭކަ ތިރީސް ރުފިޔާ) އެވެ. މިފައިސާ މިހާރުވަނީ ޢަދާލަތު ޕާޓީން ހުޅުވާފައިހުރި ޕީކޭ ރިލީފް ފަންޑު އެކައުންޓަށް ޖަމާކުރެވިފައެވެ.

ޢަދާލަތު ޕާޓީން އިސް ނަގައިގެން ޕާކިސްތާނަށް އެހީތެރިކަން ދިނުމުގެ ގޮތުން ހުޅުވާފައިވާ ޕީކޭ ރިލީފް ފަންޑަށް މިއަދާހަމައަށް (23 އޯގަސްޓް، ހޯމައާ ހަމައަށް) ލިބިފައިވަނީ 627089.90 (ހަލައްކަ ހަތާވީސްހާސް ނަވާހި ރުފިޔާ، ނުވަދިހަލާރި) އެވެ. މިއީ މާލެއިން ބޭރުގައި ބެހެއްޓިފައިހުރި ފޮށިތަކަށް ލިބެމުންދާ އެހީއާ ނުލައެވެ. ލޮބުވެތި ދިވެހި މުވާޠިނުންނޭވެ! ތިމާމެންނަށް މާތް ﷲ ދެއްވި މުދަލުން، ﷲއަށްޓަކައި ހޭދައެއްކުރެވޭތޯ ބަލަމާހިނގާށެވެ! އެއިލާހުގެ މަގުގައި ހޭދަކުރެވޭ އެންމެ ފައިސާ ފޮއްޗެއްގެ ދަރުމަ އެއިލާހުގެ ޙަޟުރަތުގައި ހަތްސަތޭކަ ގުނައަށް [...]